اسلام آباد۔14فروری(اے پی پی) وفاقی وزیرداخلہ محسن نقوی جشن بہاراں کراوݨ دے انتظامات دا تفصیلی جائزہ ڳھدا۔وفاقی وزیر داخلہ محسن نقوی ایں موقع تے آکھیےعوام دی تفریح سانڳے پہلی واری روایت ??وں ہٹ تے منفرد پروگرامز ترتیب ݙتے ڳئن۔ انھاں آکھیے جشن بہاراں دا مقصد پاکستان دی ثقافت اتے روایات کوں اجاگر کرݨ اے۔ ایں سلسلے اچ سفارتی برادری کوں وی سݙیا ویسی تاں جو او ملک دی ثقافتی خوبصورتی ݙیکھ سڳن ، جݙاں جو پاکستان اچ کم کرݨ آلی غیر ملکی کمپنیاں دے سی ای اوز کوں وی خصوصی دعوت ݙتی ویسی۔وفاقی وزیر داخلہ پولیس لائنز اچ جشن بہاراں کیتے تھیوݨ آلی شمع پریڈ دی ریہرسل دا معائنہ کیتے۔ ایں توں انڄ ، محسن نقوی دی صدارت اچ جشن بہاراں دی تیاریاں سانڳے اجلاس تھئے جئیں اچ وفاقی سیکرٹری داخلہ، چیف کمشنر اسلام آباد، آئی جی اسلام آباد پولیس، ڈپٹی کمشنر اسلام آباد اتے ٻئے متعلقہ حکام شریک تھئن۔اسلام آباد د?? شہری 25، 26 تے 27 فروری کوں ایں رنگا رنگ فیسٹیول کوں ݙیکھ سڳسن جئیں اچ پاکستان دے روایتی اتے مشہور کھاوݨ پیوݨ دے سٹال لاتے ویسن ۔جشن بہاراں تے مختلف ثقافتی و تفریحی سرگرمیاں تھیسن ۔ رینجرز دا د??تہ مشعل پریڈ، جݙاں جو اسلام آباد پولیس دا د??تہ شمع پریڈ دا شاندار مظاہرہ کریسی ۔ ایں توں انڄ ، پاک فوج دے بینڈز اپݨی دلکش دُھناں توں محفل کوں ڄمیسن آتش بازی دا زبردست مظاہرہ وی تقریبات دا حصہ ہوسی۔ثقافتی رنگ کھنڈیندے جشن اچ خٹک، کیلاش اتے کتھک سودھے مختلف روایتی رقص دے شو پیش کیتے ویسن۔ رینجرز دی کیمل پلٹون اتے نیزہ بازی دی ٹیماں وی اپݨی مہارت ݙکھیسن۔ اے تقریب نہ صرف اسلام آباد د?? شہریاں سانڳے تفریحی موقع ݙیسی بلکہ پاکستان دے متنوع ثقافتی ورثے کوں وی اجاگر کریسی۔
