اسلام آباد۔3مئی(اے پی پی)وزیراعظم محمد شہباز شریف قومی مفادات دے حوالے نال پاکستانی میڈیا دے ذمہ دارانہ کردار دی تعریف کریندے آکھیے دنیا تئیں حقائق پڄاوݨ دی جدوجہد اچ صحافیاں دی قربانیاں تاریخ دا سنہری باب اے ،میڈیا کوں کوڑ ، کوڑیاں خبراں ، پروپیگنڈے، غیر ملکی ایجنڈیں تے سیاسی مفادات دی تکمیل سانڳے استعمال نہ تھیوݨ ݙتا ونڄے ، پاکستان دا آئین اظہار رائے دی آزادی دی ضمانت ݙیندے ۔ وزیراعظم دفتر دے میڈیا ونگ توں جاری بیان موجب وزیراعظم آزادی صحافت ??ے جڳ ݙیھاڑ تے پاکستان سودھے پوری دنیا دے میڈیا ورکرز کوں خراج تحسین پیش کیتے۔ انہاں بالخصوص انھاں بہادر مرد تے تریمت صحافیاں کوں خراج عقیدت پیش کیتے جیڑھا جو آپݨے فرائض انجام ݙیوݨ دے دوران قربان تھی تے امر تھی ڳئن ۔ وزیر اعظم آکھیے دنیا تئیں حقائق دی فراہمی دی جدوجہد اچ صحافیاں دی قربانیاں تاریخ دا سنہری باب اے۔ انہاں آکھیے اساں اڄ دے ݙینھ صحافت نال وابستہ بہادر کارکناں کوں سلام پیش کریندوں جیڑھا جو اطلاعات دی آزادانہ ترسیل اتے حقائق دی جانچ پرکھ کرتے عوام تئیں حقائق پڄاوݨ تے دنیا کوں ݙساوݨ دے فرض دی ادائیگی اچ کݙاہیں وسلائی نی کریندے ، ماضی دی روایات توں جدید شہری صحافت ??ئیں ، میڈیا ویلھے تے معاشرے نال اڳوں ودھدا پئے ،کہیں وی دور اچ ایں دی اہمیت گھٹ نئیں تھئی بلکہ مصنوعی ذہانت اتے جدید ٹیکنا لوجی ایں دے دائرے، افادیت اتے اثر پذیری کوں کئی گنا ودھا ݙتے ۔ اڄ وی میڈیا اجتماعیت دا مظہر اے جئیں دی اہمیت ہمیشہ وانڳوں معاشرے اچ کلیدی اے۔ وزیراعظم آکھیے جدید دنیا اچ آزادی اظہار دے تحفظ دی ھک اہم لوڑھ اے وی ہے جو میڈیا کوں کوڑ، کوڑیاں خبراں ، پرو پیگنڈے، غیر ملکی ایجنڈیں تے سیاسی مفادات دی تکمیل سانڳے استعمال نہ تھیوݨ ݙتا ونڄے۔ وزیراعظم آکھیے7اکتوبر 2023 توں 3 مئی 2025 تئیں دا دور صحافیاں سانڳے 21ویں صدی دا ساریں توں خونی دور ثابت تھئے ،انٹرنیشنل فیڈ ریشن آف جرنلسٹس موجب غزہ ،فلسطین اچ کم کرݨ آلے 166 صحافی اتے میڈیا ورکرز اسرائیلی ظلم و بر بریت دا نشانہ بݨئن ،غز?? دی حکومت دے میڈیا آفس موجب 202 صحافی اسرائیلی جارحیت اچ قتل تھئن۔’’کمیٹی ٹو پروٹیکٹ جرنلسٹس ‘‘موجب ایں توں پہلے اتنی مہلک اتے خونی جنگ نی ݙٹھی ڳئی جئیں اچ اتنی وݙی تعداد اچ صحافی اپݨی جان توں ڳئے ہوون۔’’رپورٹرز ود آئوٹ بارڈرز ‘‘موجب اسرائیلی فوج جاݨ بڄھ تے فلسطینی و لبنانی صحافیاں تے میڈیا ورکرز کوں نشانہ بݨائے۔ وزیراعظم آکھیے بھارت دے غیر قانونی زیر تسلط جموں و کشمیر اچ جتھاں قابض 9 لکھ بھارتی فوج بنیادی انسانی حقوق کوں بندوق دے زور تے کچلیندی پئی اے اتھاں صحافت ??تے صحافیاں تے کڑی پابندیاں ہن ۔ انہاں آکھیے میں قومی مفادات دے حوالے نال پاکستانی میڈیا دے ذمہ دارانہ کرداردی تحسین کرینداں جئیں اڄوکی بھارت?? آبی جارحیت اتے حقائق توں مبرا ال??ام تراشی سانڳے میڈیا دے استعمال دا حقائق اتے سچ نال مقابلہ کیتے تے بھارت دے خطے چا جنگ دی فضا پیدا کرݨ مذموم مقاصد کوں مٹی اچ رلا ݙتے۔ میکوں امید اے جو ساݙا ذمہ دار میڈیا ایں طرز تے قومی و عوامی مفادات دے تحفظ دے حوالے نال کوششاں دی حمایت تے ساݙی رہنمائی کریندا رہسی ، انہاں آکھیے پاکستان دا آئین رائے اتے اظہار دی آزادیاں دا امین تے ضامن اے، حکومت پاکستان عوامی نمائندہ جماعت دے طور تے ہمیشہ آئین اچ ݙتی ڳئی آزادیاں دی محافظ رہی اے،صحافت کوں آئین اتے جمہوریت دی روح سمجھدے ہوئیں اساں ہمیشہ شہریاں اتے آزادی رائے سانڳے اہل صحافت نال رل تے جدوجہد کیتی اے تے اڳوں وی انہاں سانجھے مقصد سانڳے ساݙیاں کوششاں جاری رہسن ۔وزیراعظم آکھیےحکومت صحافیاں دی زندگی اتے صحت دے تحفظ، سازگار ماحول ݙیوݨ ، مالی مفادات اتے تنخواہواں دی ادائیگی تے آجر واجیر دے حوالے نال میڈیا ورکرز دے جائز مسئلے دے حل سانڳے آپݨا بھر پور کردار ادا کیتے،مختلف قانونی فورمز دے ذریعے انھاں حقوق دی فراہمی دا سلسلہ جاری اے، اساں قوانین دی بہتری توں صحافت ??ی آزادی اتے صحیح معلومات ݙیوݨ کوں یقینی بݨائے ، کوڑیاں خبراں مکاوݨ سانڳے میڈیا نال رل تے قوانین تیار کیتے، اڳوں وی اہل صحافت ??ی مشاورت، تعاون اتے تائید نال ایں ضمن اچ اصلاحات جاری رکھیسوں ، وزارت اطلاعات و نشریات اتے ایندے متعلقہ ذیلی اداریں دے ذریعے صحافیاں اتے صحافت ??ی بہتری سانڳے مزید اقدامات وی چاتے ویندے پئن ۔ وزیراعظم آکھیے اوصحافت ??ے عالمی ݙینھ تے سارے میڈیا ورکرز توں اے آکھݨ چاہندن جو انہاں دی حکومت صحافیاں دی بہتری سانڳے پورے خلوص دل نال تساں نال رل تے کم کریسی ، ھک ذمہ دار جمہوری معاشرے دے طور تے ساݙی اجتماعی ذمہ داری ایں ڳالھ کوں یقینی بݨاوݨ اے جو صحافت ??قائق، اخلاقیات تے آزادی تے مبنی عوامی بھلائی دی خدمت جاری رکھے
