اسلام آباد۔21اگست (اے پی پی) پاکستان دے نائبِ وزیرِاعظم / وزیرِ خارجہ سینیٹر محمد اسحاق ڈار اتے چین دے وزیرِ خارجہ وانگ ژی دے وچال وزرائے خارجہ دے اسٹریٹجک ڈائیلاگ دا چھیواں دور اسلام آباد تھئے۔ دفتر خارجہ دے ترجمان موجب ݙوہیں رہنماواں پاک۔چین تعلقات دے سارے پہلواں دا تفصیلی جائزہ ڳھدا اتے اہم علاقائی و عالمی امورتے ڳالھ مہاڑ کیتی۔ ڈائیلاگ دے دوران ݙو طرفہ تعاون دے مختلف شعبیں تے ڳالھ مہاڑ کیتی ڳئی جنہاں اچ سی پیک 2.0، تجارتی و اقتصادی تعلقات، کثیرالجہتی تعاون اتے عوامی رابطے شامل ہن۔ ݙوہیں رہنماواں ایں امر تے زور ݙتا جو پاکستان اتے چین دی پکی اتے اسٹریٹجک سانجھ خطے اچ امن و استحکام کیتے ٻہوں اہم اے اتے ݙوہیں ملکاں دی ترقی و خوشحالی کیتے اہم حیثیت رکھیندی اے۔ انہاں ایں عزم دا اعادہ کیتا جو پاکستان اتے چین نیڑے دے رابطے اتے مشاورت کوں نہ صرف ݙو طرفہ سطح تے بلکہ کثیرالجہتی فورمز تے وی جاری رکھیسن۔
