اسلام آباد۔30جولائی (اے پی پی) نائب وزیراعظم / وزیر خارجہ سینیٹر محمد اسحاق ڈار سرمایہ کاری کوں راغب کرݨ کیتے ڈویلپمنٹ آف انویسٹمنٹ پورٹ فولیو کمیٹی دے ??جلاس دی صدارت کیتی۔ نائب وزیراعظم دفتر توں جاری اعلامیے موجب اجلاس اچ وفاقی وزراء پاور، اقتصادی امور اتے پٹرولیم، وزیراعظم دے معاون خصوصی طارق باجوہ، چیئرمین ایس ای سی پی، پاور، پٹرولیم، خزانہ، بی او آئی دے وفاقی سیکرٹریز اتے اہم وزارتاں، ڈویژناں اتے ݙوجھے متعلقہ اداریں دے ??ینئر حکام شرکت کیتی۔ایں موقع تے سرمایہ کاری دیاں مختلف تجویزاں تے تفصیلی ڳالھ مہاڑ کیتی ڳئی اتے مستقبل وچ سرمایہ کاری کیتے ترجیحی شعبیں دی نشاندہی وی کیتی ڳئی۔ نائب وزیراعظم / وزیر خارجہ متعلقہ وزارتاں اتے اداریں کوں کوآرڈینیشن ودھاوݨ اتے سرمایہ کاری دیاں تجویزاں کوں وختی حتمی شکل ݙیوݨ کیتے اپݨیاں کوششاں کوں مزید بہتر بݨاوݨ دی وی ہ??ایت کیتی۔
