اسلام آباد۔20اگست (اے پی پی) وزیراعظم محمد شہباز شریف پائلٹ افسر راشد منہاس شہید (نشان حیدر) کوں 54ویں وھیݨے تے خراج عقیدت پیش کریندیں آکھیے جو انہاں دی وݙی قربانی ہمت اتے فرض توں لگن دیاں اُچیاں روایتاں دا مظہر اے، راشد منہاس دا ناں قوم دی تاریخ اچ ہمیشہ وفاداری، حوصلے اتے فخر دی علامت دے طور تے محفوظ رہسی۔ وزیراعظم دفتر دے میڈیا ونگ توں جاری بیان موجب پائلٹ افسر راشد منہاس شہید (نشان حیدر) دے وھیݨے تے آپݨے پیغام اچ وزیر اعظم آکھیے جو “راشد منہاس دی وݙی قربانی ہمت اتے فرض توں لگن دیاں اُچیاں روایتاں دا مظہر اے، 1971 اچ اڄ دے ݙینھ انہاں غیر معمولی عزم دا مظاہرہ کریندیں پاکستان دی خودمختاری دے تحفظ کیتے شہادت دا رتبہ حاصل کیتا۔ وزیراعظم آکھیا جو راشد منہاس دا انوکھا جذبہ، وفاداری اتے حب الوطنی مسلح افواج اتے قوم کیتے ہک انوکھی ترغیب دا سبب اے، انہاں دی بہادری دی کہانی ساݙے قومی ضمیر کوں آزادی دی قیمت اتے مادر وطن دے دفاع کیتے درکار انوکھی ہمت دی یاد ݙیویندی اے ۔ انہاں آکھیا جو پاکستان دیاں مسلح افواج راشد منہاس دی انوکھی وراثت کوں شاندار خراج تحسین پیش کریندن ، انہاں دا ناں قوم دی تاریخ اچ ہمیشہ وفاداری، حوصلے اتے فخر دی علامت دے طور تے محفوظ رہسی
