اسلام آباد۔ 4 مئی (اے پی پی) حریت رہنما یاسین ملک دی ذال مشعال ملک آکھیے جو آزاد کشمیر ک??ں وار کونسل وچ ڈکلیئر کر ݙیوݨا چاہیدے ، فالس فلیگ آپریشن دے بعد بھارت تڑیاں ݙیندا پئے، پہلگام حملے دا بھانڈا پُھٹݨ دے بعد ملبہ کشمیریاں تے پاتا ویندا پئے۔ اِتھاں جاری بیان وچ مشعال ملک آکھیے جو بھارت آبی دہشت گردی کریندا پئے، بھارت دے یکطرفہ اقدام غیر قانون?? ہِن، لائن آف کنٹرول دے آسے پاسے رہݨ آلیں کوں سیلف ڈیفنس دی ٹریننگ ݙتی ونڄے۔ مشعال ملک آکھیے جو مقبوضہ کشمیر وچ بھارت کشمیریاں دے گھراں کوں بارود نال اُݙیندا پئے، کشمیریاں دی ٹارگٹ کلنگ کیتی ویندی پئی اے، وزیرِ اعظم توں اپیل اے قوم کوں خطاب دے ذریعے اعتماد وچ گھِنن۔ مشعال ملک آکھیا جو جنگ دی تلوار لٹکدی پئی اے۔ کشمیر فلیش پوائنٹ اے، پارلیمنٹ دا جوائنٹ سیشن سݙایا ونڄے، بھارت دے نال شملہ معاہدہ ختم کر ݙیوݨا چاہیدے۔ مشعال ملک آکھیے کشمیر دا مسئلہ اقوامِ متحدہ وچ گھِن ونڄݨا چاہیدے، بھارت اڄ تئیں جیڑھا وی معاہدہ کیتے دھوکہ ݙتے، اقوامِ متحدہ وچ کشمیر دا مسئلہ حقِ خودارادیت اے، کشمیر دے مسئلے کوں حل کیتا ونڄے اَتے آزادی دا حق ݙ??ا ونڄے۔
