اسلام آباد۔ 25 مئی (اے پی پی) وفاقی وزیر داخلہ محسن نقوی زیرو ٹالرنس پالیسی تے زور ݙیندے ہوئیں غیر منظور شدہ ہاؤسنگ ڈھانچیں اَتے غیر مجاز ہاؤسنگ سوسائٹیاں دے خلاف سخت کارروائی دا حکم ݙیندے ہوئیں آکھیے جو کہیں وی غیر قانونی تعمیرات کوں روکݨ کیتے لینڈ انفارمیشن اَتے مینجمنٹ سسٹم اَتے سیٹلائٹ میپنگ استعمال کیتی ونڄے، سارے متعلقہ افسراں کوں ایں پالیسی تے سختی نال عملدرآمد یقینی بݨاوݨا ہوسی۔ وفاقی وزیر داخلہ محسن نقوی دی صدارت اچ وفاقی دارالحکومت وچ ہک اہم اجلاس وچ شہری انتظام، قانون دے نفاذ اَتے انتظامی اصلاحات دا تفصیلی جائزہ ڳھدا ڳیا۔ اجلاس وچ وزیر مملکت داخلہ طلال چوہدری اَتے وفاقی سیکرٹری داخلہ، اسلام آباد دے چیف کمشنر، انسپکٹر جنرل آف پولیس، ڈپٹی کمشنر، ڈی آئی جیز، ایس ??یز اَتے اے سیز شرکت کیتی۔ ایں موقع تے اسلام آباد وچ غیر قانونی تعمیرات دے خلاف وختی کریک ڈاؤن شروع کرݨ دا وݙا فیصلہ وی کیتا ڳیا۔ محسن نقوی زیرو ٹالرنس پالیسی تے زور ݙیندے غیر منظور شدہ ہاؤسنگ ڈھانچیاں اَتے غیر مجاز ہاؤسنگ سوسائٹیاں دے خلاف سخت کارروائی دا حکم ݙتے اَتے کہیں وی غیر قانونی تعمیر کوں روکݨ کیتے لینڈ انفارمیشن اَتے مینجمنٹ سسٹم اَتے سیٹلائٹ میپنگ دے استعمال دی ہدایت وی کیتی۔ انہاں سارے متعلقہ افسراں کوں پالیسی تے سختی نال عملدرآمد یقینی بݨاوݨ دا حکم وی ݙتا۔ وفاقی وزیر زور ݙتا جو اسلام آباد دے رہائشیاں کوں عالمی معیار دیاں خدمات ݙیوݨ پہلی ترجیح ہووݨی چاہیدی اے۔ انہاں پولیس اَتے انتظامیہ تے زور ݙتا عوامی اعتماد اَتے فعال خدمات دی فراہمی دے ذریعے اپݨا امیج بہتر بݨاون۔ انہاں آکھیے شہریاں دی جان و مال دی حفاظت تے کوئی سمجھوتہ نی کیتا ونڄݨا چاہیدا۔ انہاں ایس ??یز اَتے اے سی کوں اپݨے فرائض فعال طور تے انجام ݙیوݨ دی ہدایت کیتی۔ انہاں عوامی سہولت کوں بہتر بݨاوݨ کیتے افسران توں نویں اقدامات تے عملدرآمد تے زور ݙتا اَتے انہاں دے نفاذ کیتے مکمل تعاون دا وعدہ کیتا۔ وزیر داخلہ مزید آکھیے ایں مشن کوں پوری وابستگی اَتے قومی جذبے نال اڳوں ودھایا ونڄݨا چاہیدے۔ وزیر داخلہ محسن نقوی عیدالاضحی دے موقع تے ضروری چیزاں دیاں قیمتاں تے مؤثر کنٹرول اَتے صفائی دے خص??صی اقدامات دی وی ہدایت کیتی۔
