اسلام آباد۔17جولائی (اے پی پی) وزیراعظم محمد شہباز شریف چھوٹے کساناں کوں سوکھی شرطاں تے قرض ݙیوݨ کیتے لائحہ عمل پیش کرݨ دی ہدایت کریندیں ہوئیں آکھیا جو زرعی شعبے ??ی ترقی کیتے چھوٹے کساناں کوں سہولتاں ݙیوݨ حکومت دی پہلی ترجیح اہے۔ وزیراعظم آفس دے میڈیا ونگ ولوں جاری بیان دے مطابق وزیراعظم محمد شہباز شریف دی صدارت اچ ملکی زرعی ترقی کیتے منصوبہ بندی اتے ایگری فنانسنگ بارے جائزہ اجلاس خمیس کوں تھیا۔ اجلاس اچ نائب وزیراعظم تے وزیر خارجہ اسحاق ڈار، وفاقی وزیر احد خان چیمہ، رانا تنویر حسین، وزیراعظم دے مشیر محمد علی، وزراء مملکت بلال اظہر کیانی، عبدالرحمان کانجو، معاون خصوصی ہارون اختر، گورنر سٹیٹ بینک جمیل احمد، چیف کوآرڈینیٹر مشرف زیدی اتے متعلقہ اعلیٰ حکام شرکت کیتی۔ وزیراعظم درمیانے اتے چھوٹے پیمانے دی زرعی سرگرمیاں کیتے سوکھی شرطاں تے قرض ݙیوݨ بارے لائحہ عمل پیش کرݨ دی ہدایت کریندیں ہوئیں آکھیا جو 12 ایکڑ توں گھٹ زمین آلے کساناں کوں جدید زرعی سہولتاں ݙیوݨ پہلی ترجیح ہووݨی چاہیدی اے۔ انہاں زور ݙتا جو پاکستان دی ترقی زرعی شعبے ??تے کساناں دی پیداوار دی ویلیو ایڈیشن نال مشروط اے۔ انہاں کساناں کوں جدید زرعی آلات، مصنوعی ذہانت اتے معیاری بیج کیتے سوکھی شرطاں تے قرض ݙیوݨ کیتے لائحہ عمل پیش کرݨ، کساناں دی اجناساں دی پراسیسنگ نال برآمدات ??ے قابل شئیں دی تیاری کیتے چھوٹے پیمانے دی صنعتی مشینری تئیں رسائی بارے وی جامع منصوبہ بندی دی ہدایت کیتی۔وزیراعظم آکھیا جو حکومت کساناں کوں جدید زرعی آلات، معیاری بڄ دی فراہمی، مصنوعی ذہانت، پاݨی دے بہتر استعمال، آن فارم سمال انڈسٹری اتے ݙوجھیاں سہولتاں کیتے اصلاحات ??ے عمل کوں تکھا کریندی پئی اے۔ زرعی اجناساں دی پراسیسنگ نال برآمدات ??چ ودھارے کیتے کساناں کوں درکار سہولتاں تے تربیت کیتے اقدامات کوں وی اصلاحات ??چ شامل کیتا ویندا پئے۔ اجلاس کوں زرعی شعبے ??ی جاری اصلاحات ??ے نال نال زرعی ترقیاتی بینک لمیٹڈ دی کارکردگی اتے کساناں کوں ݙتے ونجݨ آلے قرضیاں بارے تفصیلی بریفنگ ݙتی ڳئی۔ وزیراعظم ایں مہینے دے چھیکڑ تئیں کساناں کوں سوکھی شرطاں تے قرضیاں دی فراہمی اتے ایگری فنانسنگ دے شعبے ??چ نویں تقاضاں نال ہم آہنگ نظام م??عا??ف کرواوݨ کیتے جامع منصوبہ بندی بݨا تے پیش کرݨ دی ہدایت وی کیتی۔
