اسلام آباد۔20اکتوبر(اے پی پی)وفاقی وزیر اقتصادی امور و اسٹیبلشمنٹ ڈویژن احد چیمہ دی زیر صدارت علاقا??ی تجارت کوں ودھاوݨ کیتے چنڳے رابطے دی حکمت عملی تے مرکوز اعلیٰ سطحی اجلاس منعقد تھیا جیں اچ علاقا??ی تجارتی راہداریاں دی صلاحیت ودھاوݨ تے خاص توجہ ݙتی ڳئی۔ اجلاس اچ اڄوکے ہفتے اسلام آبا?? اچ تھیوݨ آلی ریجنل کنکٹیویٹی کانفرنس (علاقائی رابطہ کانفرنس) دیاں تیاریاں دا وی جائزہ گھدا ڳیا۔ اجلاس اچ وزیراعظم دے مشیر ڈاکٹر توقیر شاہ، وفاقی وزیر ریلوے حنیف عباسی، وفاقی وزیر مواصلات عبدالعلیم خان اتے متعلقہ وزارتاں دے سینئر افسراں شرکت کیتی۔ متعلقہ وزارتاں دے حکام شرکاء کوں علاقائی رابطہ دی شروعات تے تفصیلی بریفنگ ݙتی جیں اچ تجارتی راہداریاں کوں تکڑا بݨاوݨ اتے علاقا??ی تجارت کیتے انفراسٹرکچر چنڳاں بݨاوݨ دے اقدامات دا خاکہ پیش کیتا ڳیا۔ ایں موقع تے ڳالھ مہاڑ کریندے وفاقی وزیر احد چیمہ زور ݙتا جو پاکستان ریل اتے سڑک ݙوہیں نیٹ ورکس دے ذریعے علاقائی رابطہ کاری ک??ں ودھاوݨ کیتے پرعزم اے۔ انہاں امید ظاہر کیتی جو آوݨ آلی علاقائی رابطہ کانفرنس اچ اہم مفاہمتی یادداشتاں تے دستخط تھیسن جیڑھے علاقائی رابطہ کاری اتے معاشی انضمام کیتے سنگ میل ثابت تھیسن۔ ایں توں علاوہ متعلقہ وزارتاں دے افسراں وفاقی وزراء کوں ایں ہفتے اسلام آبا?? اچ تھیوݨ آلی علاقائی رابطہ کانفرنس دیاں تیاریاں تے رپورٹ پیش کیتی۔ ایں کانفرنس اچ ترکیہ، سعودی عرب، ایران، مالدیپ، سری لنکا، بیلاروس سودھے تقریباً 10 ملکاں دے نمائندے شرکت کریسن۔ ایں تے اعتماد دا اظہار کریندے وفاقی وزیر احد چیمہ آکھیا جو اے پاکستان کیتے ماݨ دی ڳالھ اے جو اے کانفرنس پہلی واری اسلام آبا?? اچ تھیندی پئی اے اتے ا??م ملکاں دے اعلیٰ حکام شرکت کریسن۔
