راولپنڈی۔28اکتوبر (اے پی پی) وفاقی وزیر ??اخلہ رانا ثنا ء اللہ آکھیا جو کہیں جتھے کوں اسلام آباد تے چڑھائی دی موکل کائنا ݙیسوں، بری نیت نال آوݨ آلیاں نال سختی نال نبڑسوں۔ جتھہ کلچر دی سوچ کوں جڑوں مکا ݙیسوں، جتھہ کلچر نال ملک تباہ تھیندا پے اتے ریاست دا وجود خطرے اچ اے۔ کہیں ٹولے کوں آپݨی حماقت، تکبر اتے پاگل پن پاروں قوم کوں غریبی آلے پاسے کائنا ونجݨ ڈیسوں۔ عمران خان لانگ مارچ کیتے اعلیٰ عدلیہ پیرامیٹرز طے کر ݙتن۔ عمران خان قانون دے مطابق پر ام?? احتجاج کیتے اسلام آباد آئے تاں وفاقی حکومت عدالت ولوں ݙتی ڳی ذمہ واریاں پوری کریسی۔ پر اگر کہیں چڑھائی کرݨ دی کوشش کیتی تاں آہنی ہتھاں نال نبڑسوں۔ سینئر صحافی ارشدشریف کوں ملک چھورݨ تے دباؤ پاوݨ، ملک چھوڑݨ اچ سہولت کرݨ آلے اتے کوڑے تھریت الرٹ جاری کرݨ سودھے سارے پہلواں تے تحقیقات کیتے حکومت کمیشن ٻݨا ݙتے جیڑھا تحقیقات کیتے کہیں کوں وی سݙ سڳدے۔ اے ڳالھیں وفاقی وزیر ??اخلہ جمعہ کوں راولپنڈی ہائی کورٹ بار ایسوسی ایشن اچ نویں پاسپورٹ کاؤنٹر دے اجراء اتے پاسپورٹ فیس آسان ایپ دے افتتاح دے م??قع تے بار نال خطاب اتے میڈیا نال ڳال?? مہاڑ کریندیں ہوئیں آکھی۔ ایں موقع تے بار دے صدر طلعت محمود زیدی اتے سیکرٹری ملک خرم شہزاد دے علاوہ بار عہدیداراں اتے اراکین دی وݙی تعداد موجود ہئی۔
