راولپنڈی ۔18جنوری(اے پی پی):پاک فوج دے شعبہ تعلقات عامہ (آئی ایس پی آر) ایران اچ دہشت گرداں دے ٹھکاݨے کوں نشانہ بݨاوݨ سانڳے آپریشن مرگ بر ، سرمچار دی تفصیلات جاری کر ݙتن، پاکستان اچ اڄوکے دہشت گرد حملیں اچ ملوث دہشت گرداں کوں نشانہ بݨاوݨ سانڳے ڈرونز، راکٹاں، بارودی سرنگاں اتے اسٹینڈ آ?? ہتھیاراں دا استعمال کیتا ڳئے ، ضمنی ضیان تو?? بچݨ سانڳے ودھ تو?? ودھ احتیاط ورتی ڳئی ۔ آئی ایس پی آر تو?? جاری بیان موجب 18 جنوری 2024 دی سویل ، پاکستان ایران دے اندر انہاں ٹھکاݨے تے موثر حملے کیتے ، جیڑھے جو پاکستان تے حملے کرݨ آلے دہشت گرداں دے زیر استعمال ہن ۔بیان اچ آکھیا ڳئے جو بلوچستان لبریشن آرمی اتے بلوچستان لبریشن فرنٹ نامی دہشت گرد تنظیماں دے زیر استعمال ٹھکاݨیں کوں انٹیلی جنس تے مبنی آپریشن اچ کامیابی نال نشانہ بݨایا ڳئے ۔ ایں آپریشن دا کوڈ نام مرگ بر، سرمچار اے ۔نشانہ بݨائے ڳئے ٹھکاݨے بدنام زمانہ دہشت گرد استعمال کریندے پئے ہن جنہاں اچ دوست عرف چیئرمین، بجر عرف سوغت، ساحل عرف شفق، اصغر عرف بشام اتے وزیر عرف وزی شامل ہن۔آئی ایس پی آر واضح کیتے جو پاکستان دی مسلح افواج دہشت گردی دی کارروائیاں دے خلاف پاکستانی شہریاں دی حفاظت یق??نی بݨاوݨ سانڳے ہر ویلھے تیاری دی حالت اچ ہن ۔پاکستان دی خودمختاری اتے علاقائی سالمیت دا احترام تے کہیں وی مہم جوئی دے خلاف تحفظ یق??نی بݨاوݨ سانڳے ساݙا عزم غیر متزلزل اے۔ عوام دی مدد نال پاکستان دے سارے دشمناں کوں ناکام بݨاوݨ دے عزم دا اعادہ کریندوں تے اڳوں ودھݨ سانڳے 2 پڑوسی بھرا ملکاں نال ڳالھ تے تعاون کوں ودھارا ݙیوݨ چاہندوں ، ہمسایہ برادر ملکاں وچال ݙو پاسے مسئلے حل کرݨ سانڳے ڳالھ مہاڑ تے تعاون کوں دانشمندانہ سمجھیا ویندے ۔
