اسلام آباد۔21مئی (اے پی پی):قائم مقام صدر سید یوسف رضا گیلانی ایران دے سفارت خانے دا دورہ کیتے جتھاں انہاں ایران اچ ہیلی کاپٹر حادثے اچ ایرانی صدر ڈاکٹر سید ابراہیم رئیسی، وزیر خارجہ اتے ٻئیں دے افسوسناک انتقال تے اظہار ِتعزیت کیتی۔ ایوان صدر دے پریس ونگ موجب قائم مقام صدر دا ایرانی صدر دے انتقال تے پاکستانی حکومت اتے عوام دی طرفوں ݙکھ دا اظہار کیتے۔ ایں موقع تے میڈیا نال ڳالھ مہاڑ کریندے ہوئیں قائمقام صدر سید یوسف رضا گیلانی آکھیے جو پوری قوم ایرانی صدر دی وفات تے ݙک??ی اے ، ایرانی بھرا تے بھیݨاں دے ݙکھ اچ برابر دے شریک ہیسے ،ایرانی صدر دی وفات عالم اسلام سانڳے ھک وݙا ضیان اے ۔صدر ابراہیم رئیسی نیک انسان ، عالم اتے پاکستان دے عظیم دوست ہن، صدر ابراہیم رئیسی دی وفات نال امت مسلمہ ھک عظیم رہنما توں محروم تھی ڳئی اے ۔ قائم مقام صدر پاکستان اچ ایرانی سفیر رضا امیری مغدم نال وی ملاقات کیتی جیں اچ ڳالھ مہاڑ کریندے ہوئیں انہاں آکھیے پاکستان تے ایران وچال تاریخی، ثقافتی اتے ادبی رابطے تے مبنی ب??تر??ن تعلقات ہن،ݙوہیں بھرا ملکاں کوں مزید نیڑے گھن آوݨ سانڳے عوامی رابطے تے پارلیمانی تبادلیں کوں ودھاوݨ دی لوڑھ اے ۔ پاکستان اچ ایران دے سفیر آکھیے پاکستان اتے ایران وچال ب??تر??ن تعلقات ہن ،پاکستان نال تعلقا?? دا ودھارا ایران دی خارجہ پالیسی دا بنیادی ستون اے،ایران دے سپریم لیڈر پاکستان نال تعلقات ودھاوݨ تے خصوصی زور ݙتے۔ انہاں آکھیے مرحوم صدرابراہیم رئیسی دا اڄوکا دورہ ِ پاکستان ایں تناظر اچ تھئے ۔ایرانی سفیر تعزیتی پیغامات ، ایرانی عوام دے ݙکھ اچ شریک تھیوݨ تے پاکستانی عوام اتے حکوم?? دا شکریہ ادا کیتے۔قائم مقام صدر سید یوسف رضا گیلانی ایرانی سفارت خانے اچ مہماناں دی کتاب اچ تعزیتی تاثرات وی درج کیتن۔