اسلام آباد ۔ 10 مئی (اے پی پی) قومی اسمبلی کوں حکومت ولوں ڈسایا گئیا جو ملازمت دے دوران فوت تھی ونجنڑ آلے ملازماں دے حوالے نال وزیراعظم محمد نواز شریف دی ہدایت تے پیکیج تے نظر ثانی کیتی گئی جیں اچ پہلے توں زیادہ سہولتاں ڈتیاں گئیاں ہن ،فوت تھیونڑ آلے ملازماںدے بالاں کوں مستقل ملازمت ڈیونڑ دی تجویز تے حکومت غور کریسی ۔منگل کوں قومی اسمبلی اچ خالدہ منصور دے سرکاری ملازماں دی بابت دوران ملازمت فوت تھیونڑ دے پیکیج دے تحت مستقل ملازمتاں نہ ڈیونڑ متعلق توجہ کرائو نوٹس دا جواب ڈیندے ہوئیں وزیر مملکت شیخ آفتاب آکھیا جو جیرھے لوک وی ملازمت دے دوران انتقال کر ویندے یقینی طور تے انہاں دے پسماندگان ودھ ساریاں مشکلا ں دا شکار تھیندے ہن ۔وزیر اعظم ایں پیکیج تے نظرثانی کرتے ودھ توں ودھ سہولتاں ڈتیاںہن ۔گریڈ 12تک دے ملازماں دی رقم ڈبل کر ڈتی گی ہے ۔جڈاں مرحوم ملازم دے بال کوں کنٹریکٹ دے ملازمت ڈتی ویندی ہے جیں اچ توسیع کیتی ویندی ہے ،بعد اچ اینکوں مستقل ملازمت اچ بدال ڈتا ویندے ۔
.jpg)
