اسلام آباد ۔ 6 اگست (اے پی پی) چیئرمین تحریک انصاف اتے ملک دے نویں نامزد وزیراعظم عمران خان آکھیے جیندے کیتے 22سال جدوجہد کیتی او تبدیلی آگئی اے،ملک اچ ہنڑ واضح چینج نظر آسی، ہر فیصلہ قومی مفاد اتے میرٹ دے مطابق کریسوں،خیبرپختونخوا آلی کار پورے ملک اچ اصلاحات گھن آسوں،تحریک انصاف دا اقتدارچیلنجاں بھریا اے،عوام 50سال بعد ڈو جماعتی نظام کوںہرائے،جیکر پی ٹی آئی وی روایتی طرز حکومت اپنایا تاں عوام دے غضب ہیٹھ آویسی،عوام جیہڑے منشور تے ووٹ ڈتے اوکوں پورا کر ڈکھیسو تاں اللہ تہاکوں او عزت ڈیسی جیندا تساں سوچ وی نیوے سگدے۔تحریک انصاف دے پارلیمانی پارٹی دے اجلاس اچ تحریک انصاف دے نویں چنڑیجنڑ آلے ارکان اسمبلی نال تاریخی خطاب اچ عمران خان دا آکھنڑ ہا جو تبدیلی کیتے باوی سال ڈینہہ رات ہک کیتے جیندا پہلا مرحلہ توڑ پج گئے، ہنڑ ساڈے تے ہک وڈی ذمہ داری آئی اے جیکوں اساں ہر حال اچ پورا کرنڑے۔ انہاں اپنڑے ارکان اسمبلی کوں ہدایت کیتی جو او بحثیت ٹیم مکمل اتحاد و اتفاق نال رل مل تے چلن،پہلے چھی مہینے بہوں اہم ہین،عوام ساکوں تہوں پارلیمان اچ اعتماد کرتے بھیجے جو اساں ہیٹلے طبقے کوں چاو ¿ں،مالی بحران مکاو ¿ں،میرٹ تے فیصلے کروں ،ملک اتے قوم دے مفاد اچ قانون سازی کروں،عوام اساں توں روایتی طرز سیاست و حکومت دی امید نئیں کریندے جیکر اساں وی رویتی طریقہ تے ٹر پئے تاں عوامی غضب توں نہ بچ سگسوں۔عمران خان دا آکھنڑ ہا جو ساکوں بہوں وڈے چلینجز دا سامنڑا ہوسی،ساکوں اخلاقی طور تے ڈھیلی اپوزیشن دا سامنڑا اے جڈاں جو تہاکوں اللہ اخلاقی برتری ڈتی اے، تساں عوام دے پیسے کوں اللہ دی امان سمجھنڑے، میں کڈاھیں تہاڈے توں کڈاھیں ایندی توقع نہ کریساں جیندے تے میں آپ عمل نہ کرینداں ہوواں، میں آپ مثال بنڑساں اتے تہاکوں وہ مثال پیش کرنڑ دا آکھساں، جیکر تساں عوام دی امید پوری کریسوتاں اللہ او عزت ڈیسی جیندا تساں سوچیا وی نہ ہوسی۔
.jpg)
.jpg)
